Ilisarititsineq

Arctic Excursions suliffeqqarfiuvoq nutaaq, nunatsinni misigisassanik nittartakkami ataatsimi katersisoq. Nunatta angalatitsiviani Greenland Travelimi Nuummi Københavnimilu allaffeqarpugut.

Nunani allani takornarissanut saaffiginninnissaq isumaasimagaluarpoq, maannali nioqqutit nunatsinnissaaq soqutigineqarnerat malunnarsereerpoq.

Taamaammat nittartagaq kalaallisut suliaralugu aallartipparput. Taassuma naammassinissaata tungaanut tuluttuua danskisuualuunniit atorsinnaavat.

Kikkuuvugut? – Nunarput ataatsimoortillugu

Arctic Excursions nunarput tamakkerlugu misigisassanik ingerlatitseqqiisuuvoq. Nunarput immikkut ilisimasaqarfigaarput avannaaniillu kujammut- illoqarfiit nunaqarfiillu- qaqqat qaavi kangerluillu tamaasa ilisimaaralugit. Annikitsortaat immikkut piginnaaneqarfigaagut, ornigassamullu immikkorluinnaq ittumut paasisimasaqarnitta ilinnut angalatitsisutut pitsaanerpaanngortippaatigut. Kulturi ilisimaaraarput, ataatsimuussuseq soqutigisaraarput suliniutinullu tamanut iluaqutaasussanut tapersiisarnitsigut, nunami matumani ilaavugut.

Feeriarluni angalanissamik pisineq tatiginninnermut tunngassuteqarpoq uagullu sapinngisarput tamaat nuannersumik misigisaqarnissat qulakkeerniarparput. Angalatitsisartut pitsaanerpaat amerlasuut Arctic Excursions aqqutigalugu misigisassarsiortitsisut katersorpagut. Tamatigut pitsaanerpaanik innersuussivigisinnaajumallutit, nuna tamakkerlugu suleqatigut attaveqarfigilluarpagut unnuiffiusinnaasullu pitsaassusaannik tuniniakkanillu inerisaanernik immitsinnut malinnaatittuarluta.

Qularnaveeqqusiineq

Danmarkimi angalatitseqatigiiffiit peqatigiiffianni Dansk Rejsebureau Foreningimi ilaasortaavugut IATA-milu (International Air Transport Association) angalatitsisartuulluta, taakkulu angalatitsisutut pimoorussinitsinnut tatiginassutsitsinnullu qularnaveeqqusiisuupput. Soorunami aamma akiliisinnaajunnaarneq pissutigalugu angalanissaq taamaatiinnarneqarpat, angallanneqarnissamut isumaqatigiissuteqarfiusimasut annaasaannut aningaasartuutaannullu matussusiissussami angalanernut atatilugu qularnaveeqqusiinermut aningaasaateqarfimmi Rejsegarantifondimi ilasortaavugut.

Danmarkimi angalatititsiviit peqatigiiffiat/Danmarks Rejsebureau Forening

Danmarks Rejsebureau Foreningimi (DRF) ilaasortaavugut. Danmarks Rejsebureau Foreningimi ilaasortanngussagutta ilinniagaqassutsikkut aningaasaqarnikkullu piumasaqaatinik arlalinnik eqquutsitsisaagut. Taamaammat angalatitsivippit DRF-imi ilaasortaanerata ilisimanera, atuisutut ilinnut pitsaassutsimik naqissusiivoq. Ilaatigut illit atuisutut aaqqissuisup/angalatitsiviup akisussaaffigisaanik ajoqusersimaguit, inatsisitigut piumasaqaataasumik taarsiiffigitinnissannik qulakkeerisumik ilaasortatut akisussaanermut annertusisamik sillimmasigaavugut. Maalaarutit pillugu isumaqatigiissinnaanngikkutta, Danmarkimi angalanernut, ineqarnermut allanullu angalanernut tunngasunut pingaarnernut ataatsimoortunut naammagittaalliutinik aalajangiisartunit (Ankenævnet for Pakkerejser) piumasaqaatit eqquutsinneqarnissaannut DRF-imi ilaasortatut pisussaaffeqarnitsinnik isumaqarportaaq. Soorunalimi taama pisoqannginnissaa anguniagaraarput.

Suliffeqarfissuaq AIR GREENLAND

Suliffeqarfissuarmut Air Greenlandimut ilaavugut, timmisartuutileqatigiiffiullu Air Greenlandip uku aamma pigisarai: Hotel Arctic aamma Greenland Travel, kingullerlu World of Greenlandimik Arctic Excursionsimillu ingerlatsisuuvoq.

Greenland Travel –Ingerlatseqatigiiffittut aqutsisorput

Nunatta angalatitsivia Greenland Travel nunatsinni nunatsinnullu angalanernik tuniniaanermik ukiut 35-it sinnerlugit misilittagaqarfiuvoq. Greenland Travel sullitat pisariaqartitaat kissaataallu eqquutsinniarlugit angalanernik, ineqarnermik allanillu angalanermut tunngasunik pingaarnernik ataatsimoortunik asseqanngitsunik, angalanissanillu naleqqussakkanik qinigassarpassuarnik neqerooruteqarpoq. Angalatitsivik ataatsimoorluni angalanernik, ataatsimeersuarnernik niuernermillu ingerlatsinermut atatillugu angalanernik neqerooruteqarportaaq. Greenland Travel Københavnimi, Aalborgimi, Sisimiuni, Ilulissani Nuummilu allaffeqarpoq.

Ikiornissannut piareersimavugut

Arctic Excursions pillugu annertunerusunik paasisaqarusukkuit angalanissannulluunniit siunnersortinnissaq aqqutissiuunneqarnissarlu pisariaqartikkukku sukkuluunniit attavigisinnaavatsigut.

Isumaqatigiissummut atsiugassaq